Autizmi lidhet me ndryshimin e preferencave shqisore gjatë fëmijërisë së hershme. Modelet shqisore të fëmijëve në spektrin e autizmit dhe atyre me tipare ASD, forcohen më fort me kalimin e kohës. Problemet shqisore mund të jenë shenjat më të hershme të autizmit tek foshnjat.
Këto janë rezultatet e studimit të ri të botuar në "Child Development"
Në vitin 2013, një ekip studiuesish nga Universiteti i Kalifornisë Jugore dhe Universiteti i Karolinës së Veriut në Chapel Hill filluan të ndiqnin një grup prej më shumë se 1500 fëmijë, duke matur modelet e tyre shqisore ndërsa fëmijët rriteshin nga foshnjëria (9 muajsh) deri në moshën shkollore (6-7 vjeç). Studiuesit kanë gjeneruar njohuri në lidhje me ndryshimet shqisore dhe autizmin.
“Nuk e dinim se cilët fëmijë do të zhvillonin autizëm. Modelet shqisore të fëmijëve autikë ndoqën trajektore shumë të ndryshme, krahasuar me fëmijët me rezultate neurotipike ose ata me kushte të tjera zhvillimi, tha Chen, drejtues i studimit.
Ne mendonim se dallimet e komunikimit social ishin treguesit më të rëndësishëm të sjelljes për identifikimin e autizmit në foshnjëri.
Por ne zbuluam se dallimet shqisore shfaqen më herët se dallimet e komunikimit social tek foshnjat që më vonë zhvilluan autizëm. Kjo do të thotë se funksionet e përpunimit ndijor janë më të rëndësishme në zbulimin e hershëm.”
Studiuesit zbuluan gjithashtu se fëmijët e prindërve me nivele më të larta arsimore priren të shfaqin modele shqisore më të qëndrueshme ose në përmirësim.
“Ky është një rezultat premtues sepse, në krahasim me variablat e tjerë që nuk mund të ndryshohen, zbulimi dhe ndërhyrja e hershme janë variabla për të cilat ne mund të bëjmë diçka dhe që mund të bëjë një ndryshim vërtet të madh në jetën e fëmijëve dhe familjeve”, tha Chen.
"Sa më herët të identifikojmë foshnjat me probabilitet për autizëm dhe të fillojmë ndërhyrjen, aq më i madh është potenciali për çdo fëmijë të rritet në kapacitetin e tij të plotë," tha Baranek,bashkëautor.
Ky studim pritet të ketë implikime të rëndësishme për mënyrën se si ndërtohen dhe zbatohen ndërhyrjet terapeutike, duke filluar nga foshnjëria e hershme 9 muajsh.
#autizem #AutizmiAlbania #NderhyrjeHershme #TerapiAba #spekter #NevojaSpeciale #asd #asperger #esdm #AutismAlbania #EarlyIntervention #AbaTherapy #spectrum #AutismAwareness #screening #SpecialNeeds #supervision #AutismeAlbanie #InterventionPrécoce #ThérapieABA #spectre #SensibilisationAutisme #dépistage #BesoinsSpéciaux #autismus #AnjezaDishnica
Comments